ಸ್ನೇಹಿತರೆ
ನನ್ನ ಹಲವಾರು ಲೇಖನದಲ್ಲಿ ಈಗಾಗಲೇ ಹೇಳಿದಂತೆ, ಕೊಳವೆ ಬಾವಿ ನೀರು ಸಾಮಾನ್ಯವಾಗಿ ಗಡುಸು ನೀರಾಗಿರುತ್ತದೆ, ಏಕೆಂದರೆ ಇದು ಶಿಲಾ ಪದರದಲ್ಲಿ ಸಿಗುತ್ತದೆ. ಇದನ್ನು ಹಾಗೆ ನೇರವಾಗಿ ಉಪಯೋಗಿಸುವುದರಿಂದ ನಮಗೆ ಹಲವಾರು ಸಮಸ್ಯೆಗಳು ಉದ್ಭವಿಸುತ್ತದೆ.
ನಿಮ್ಮ ಮನೆಯಲ್ಲಿ ಉಪಯೋಗಿಸುವ ಕೊಳವೆ ಬಾವಿಯ ನೀರಿನ ಗುಣಮಟ್ಟದಲ್ಲಿ ಏನಾದರೂ ಸ್ವಲ್ಪ ಸಂದೇಹಗಳಿದ್ದರೆ, ಇದಕ್ಕೆ ಸುಲಭ ಉಪಾಯ, ನೀರನ್ನು ಪ್ರಯೋಗಾಲಯಕ್ಕೆ ಕಳುಹಿಸಿ, ಅದನ್ನು Test ಮಾಡಿಸಿ ನೋಡಿ. ಇದನ್ನು ವರ್ಷಕ್ಕೆ ಒಮ್ಮೆ ಮಾಡಿದರೆ ಬಹಳ ಒಳ್ಳೆಯದು, ವಿಶೇಷವಾಗಿ ಬೆಂಗಳೂರಿನಂತಹ ದೊಡ್ಡ ದೊಡ್ಡ ನಗರಗಳಲ್ಲಿ !!
ಪ್ರಯೋಗಾಲಯಗಳನ್ನು ಆರಿಸುವುದು ಹೇಗೆ ?
ಇತ್ತೀಚಿನ ದಿನಗಳಲ್ಲಿ ಎಲ್ಲ ಕಡೆ ಈ ನೀರನ ಗುಣಮಟ್ಟ ಪರಿಶೀಲಿಸುವ ಪ್ರಯೋಗಾಲಯಗಳು ಸಾಕಷ್ಟು ಹುಟ್ಟಿಕೊಂಡಿವೆ. ಆದರೆ ನೀವು ಯಾವಾಗಲೂ ISO Certified ಪ್ರಯೋಗಾಲಯಗಳನ್ನೇ ಬಳಸಿ. ISO Certified ಪ್ರಯೋಗಾಲಯಗಳಲ್ಲಿ ನೀರನ್ನು ಒಂದು ಸ್ಟ್ಯಾಂಡರ್ಡ್ ಗಳಲ್ಲಿ ಪರಿಶೀಲಿಸುತ್ತಾರೆ ಹಾಗು ನಿಮಗೆ ಒಂದು ರಿಪೋರ್ಟ್ ಕೂಡ ಕೊಡುತ್ತಾರೆ. ಒಂದು ರಿಪೋರ್ಟ್ ಅನ್ನು ನಾನು ಕೆಳಗಡೆ ವಿಶ್ಲೇಷಣೆಗೆ ಬಳಸಿದ್ದೇನೆ. ISO Certified ಪ್ರಯೋಗಾಲಯಗಳು ಕೆಲವು ಖಾಸಗೀ ಸಂಸ್ಥೆಗಳು ನಡೆಸುತ್ತವೆ ಹಾಗೂ ನಮ್ಮ ಸರ್ಕಾರದ ಕಡೆಯಿಂದ ಕೂಡ ಕೆಲವೊಂದು ಪ್ರಯೋಗಾಲಯಗಳು ಇವೆ.
ಬೆಂಗಳೂರಿನಲ್ಲಿ ಕೆಲವು ಪ್ರಯೋಗಾಲಯಗಳು, ನೀವು ಫೋನ್ ಮಾಡಿದ್ರೇ, ಅವರೇ ಮನೆಗೆ ಬಂದು ನೀರನ್ನು ಪರೀಕ್ಷೆಗೆ ತೆಗೆದುಕೊಂಡು (Pickup) ಹೋಗುತ್ತಾರೆ. ಇದಕ್ಕೆ ಸ್ವಲ್ಪ ಚಾರ್ಜ್ ಕೂಡ ಮಾಡುತ್ತಾರೆ. ಕೆಲವು ಪ್ರಯೋಗಾಲಯಗಳು ನಿಮ್ಮ ಮನೆಗೇ ಬಂದು, ನೀರನ್ನು Test ಮಾಡಿ ರಿಪೋರ್ಟ್ ಕೊಡುತ್ತಾರೆ.
ನೀರನ್ನು ಯಾವ ಯಾವ ತರಹದ ಪರೀಕ್ಷೆಗೆ ಒಳಪಡಿಸುತ್ತಾರೆ ?
ನೀರಿನ ಗುಣಮಟ್ಟ ತಿಳಿಯಲು ಕೆಳಗೆ ತಿಳಿಸಿದ 3 ಬಗೆಯ ಪರೀಕ್ಷೆಗಳನ್ನು ಮಾಡುತ್ತಾರೆ.
i. ಭೌತಿಕ ಪರೀಕ್ಷೆ (Physical Test)
ii. ರಾಸಾಯನಿಕ ಪರೀಕ್ಷೆ (Chemical Test)
iii. ಸೂಕ್ಷ್ಮ ಜೈವಿಕ ಪರೀಕ್ಷೆ (Micro Biological Test or Microscopic Test)
ಇವೆಲ್ಲದರ ಬಗ್ಗೆ ಸಂಪೂರ್ಣ ಮಾಹಿತಿ ನೋಡುವುದಕ್ಕೂ ಮೊದಲು, ನಾನು ನಮ್ಮ ಮನೆಯ ಕೊಳವೆ ಬಾವಿ ನೀರಿನ ಸಂಪೂರ್ಣ ರಿಪೋರ್ಟ್ ಅನ್ನು ನಿಮ್ಮ reference ಗೆ ಕೆಳಗೆ ಕೊಟ್ಟಿದೇನೆ. ಇದರಲ್ಲಿ ‘RESULTS‘ ಕಾಲಮ್ ನಲ್ಲಿ ನನ್ನ ಬೋರ್ವೆಲ್ ನೀರಿನ ಗುಣಮಟ್ಟದ ಮೌಲ್ಯಗಳನ್ನ ಕೊಟ್ಟಿದ್ದಾರೆ. ನೀವು Test ಮಾಡಿಸಿದರೆ, ಇದೆ ತರಹದ ರಿಪೋರ್ಟ್ ಕೊಡುತ್ತಾರೆ ಸಾಮಾನ್ಯವಾಗಿ.
ಮೇಲೆ ಕೊಟ್ಟಿರುವ ರಿಪೋರ್ಟ್ ನಲ್ಲಿ ಹಲವಾರು ಪರೀಕ್ಷೆ ಮಾಡಿದ ಮಾಹಿತಿ ಇದೆ. ಈಗ ಇದನ್ನು ಒಂದೊಂದಾಗಿ ನೋಡೋಣ.
i. ಭೌತಿಕ ಪರೀಕ್ಷೆ (Physical Test):
ಭೌತಿಕ ಪರೀಕ್ಷೆಯಲ್ಲಿ ಸಾಮಾನ್ಯವಾಗಿ ನಮ್ಮ ಇಂದ್ರಿಯಗಳ ಅನುಭವಕ್ಕೆ ಬರುವ ಹಲವಾರು ಮಾಹಿತಿಯಲ್ಲೂ ಕಲೆಹಾಕುತ್ತಾರೆ. ಇವುಗಳು ಯಾವುದೆಂದು ಒಂದೊಂದಾಗೆ ನೋಡೋಣ.
o ನೀರಿನ ಬಣ್ಣ (Color)
o ಪ್ರಕ್ಷುಬ್ಧತೆ (Turbidity)
o ವಾಸನೆ (odor)
o ರುಚಿ (Taste)
ನೀರಿನ ಬಣ್ಣದ ಗರಿಷ್ಠ ಅನುಮತಿಸಲಾದ ಮೌಲ್ಯ 25 mg/liter. 1 mg/liter ಅನ್ನು 1 PPM ಅಂತ ಕೂಡ ಕರೆಯುತ್ತಾರೆ. PPM ಅಂದರೆ Part Per Million ಅಂತ ಅರ್ಥ. ನೀರಿನ ಬಣ್ಣವನ್ನು ಪ್ಲಾಟಿನಂ ಕೋಬಾಲ್ಟ್ Scale ನಿಂದ ಅಳತೆಮಾಡುತ್ತಾರೆ.
ಪ್ರಕ್ಷುಬ್ಧತೆ (Turbidity) ನೀರಿನ ಗೋಚರತೆಯ ಮೌಲ್ಯವನ್ನು ತೋರಿಸುತ್ತದೆ. ಇದನ್ನು ನೀರಿಗೆ ಬೆಳಕನ್ನು ಹಾಯಿಸಿ ಪರೀಕ್ಷೆ ಮಾಡುತ್ತಾರೆ. ನೀವು ಕೆಳಗೆ ಕೊಟ್ಟಿರುವ ಚಿತ್ರದಲ್ಲಿ ನೀರಿನ ಪ್ರಕ್ಷುಬ್ಧತೆ ಕಡಿಮೆ ಇದ್ದಾಗೆ ಹಾಗು ಹೆಚ್ಚು ಇದ್ದಾಗ ಹೇಗೆ ಕಾಣಿಸುತ್ತದೆ ಅಂತ ನೋಡಬಹುದು.
ನೀರಿನ ವಾಸನೆ (odour) ಪರೀಕ್ಷೆಯಲ್ಲಿ ನೀರಿಗೆ ಯಾವುದಾದರು ವಾಸನೆ ಇದೆಯಾ ಅಂತ ಪರೀಕ್ಷೆ ಮಾಡುತ್ತಾರೆ. ನೀರಿನ ವಾಸನೆಗೆ ಹಲವಾರು ಕಾರಣವಿರುತ್ತದೆ. ನೀರಿನಲ್ಲಿ ಸೂಕ್ಷ್ಮಾಣು ಜೀವಿಗಳು (ಜೀವಂತ ಅಥವ ಸತ್ತಿರುವ) ಇದ್ದರೆ ಅದರಿಂದ ನೀರಿನ ವಾಸನೆ ಭಿನ್ನವಾಗಿರುವ ಸಾಧ್ಯತೆಗಳಿರುತ್ತವೆ. ಇದಲ್ಲದೆ ಇದರಲ್ಲಿ ಅಡಕವಾಗಿರುವ ಅನಿಲಗಳು ಉದಾಹರಣೆಗೆ- ಕಾರ್ಬನ್ ಮಾನಾಕ್ಸೈಡ್, ಮೀಥೇನ್ ಇತ್ಯಾದಿ ಸಹ ಕಾರಣವಾಗಿರುತ್ತದೆ.
ನೀರಿನ ವಾಸನೆಗೆ ಇನ್ನೊಂದು ಕಾರಣವೇನೆಂದರೆ ಅದರಲ್ಲಿ ಸೇರಿಕೊಂಡಿರುವ ಖನಿಜಾಂಶಗಳು, ಉದಾಹರಣೆಗೆ ಸೋಡಿಯಂ ಕ್ಲೋರೈಡ್ (ಉಪ್ಪು), ಕಬ್ಬಿಣದ ಅಂಶಗಳು ಇತ್ಯಾದಿ. ಬೋರ್ವೆಲ್ ನೀರಿಗೆ, ಬೋರ್ವೆಲ್ ಕೇಸಿಂಗ್ ಪೈಪ್ ತುಕ್ಕು ಹಿಡಿದಾಗ, ನೀರು ಕಬ್ಬಿಣದ ವಾಸನೆ ಬರುತ್ತದೆ.
ನೀರಿನ ವಾಸನೆ ಕಂಡುಹಿಡಿಯಲು ಓಸ್ಮೋಸ್ಕೋಪ್ (Osmoscope) ಅನ್ನು ಬಳಸುತ್ತಾರೆ. ಇದರಲ್ಲಿ 0 ಇಂದ 5 ವರಿಗೆ ನಂಬರ್ ಇರುತ್ತದೆ. 0 ಅಂದರೆ ಏನೂ ವಾಸನೆ ಇಲ್ಲ, 5 ಅಂದರೆ ವಿಪರೀತ ವಾಸನೆ ಅಂದು ಅರ್ಥ.
ನೀರಿನ ರುಚಿ ಕೂಡ ವಾಸನೆಯ ಜೊತೆ ಸಂಬಂಧವಿದೆ. ಉದಾಹರಣೆಗೆ RO ನೀರು ಕುಡಿದಾಗ ಆಗುವ ಅನುಭವಕ್ಕೂ, ಬೋರ್ವೆಲ್ ನೀರು ಕುಡಿದಾಗ ಆಗುವ ಅನುಭವ ಅಜಗಜಾಂತರ ವ್ಯತಾಸವಿದೆ.
ii. ರಾಸಾಯನಿಕ ಪರೀಕ್ಷೆ (Chemical Test)
ರಾಸಾಯನಿಕ ಪರೀಕ್ಷೆಯಲ್ಲಿ ಕೆಳಗೆ ತಿಳಿಸಿದ ಪರೀಕ್ಷೆ ಗಳನ್ನು ಮಾಡುತ್ತಾರೆ.
o ಒಟ್ಟು ಕರಗಿದ ಘನವಸ್ತುಗಳು (Total Disolved Solids) or TDS
o ಗಡಸುತನ (Hardness)
o ಪಿ ಹೆಚ್ ಮೌಲ್ಯ (pH Value)
o ಕ್ಲೋರೈಡ್ ಅಂಶ (Chloride content )
o ನೈಟ್ರೋಜನ್ (Nitrogen )
o ಕಬ್ಬಿಣ ಮತ್ತು ಮ್ಯಾಂಗನೀಸ್ (Iron and Manganese)
o ಅರ್ಸಾನಿಕ್ ಮತ್ತು ಸೀಸ (Arsanic and Lead )
o ತಾಮ್ರ (Copper)
o ಫ್ಲೋರೈಡ್ (Fluoride)
o ಕ್ಯಾಡ್ಮಿಯಂ (Cadmium)
o ಫಿನಾಲಿಕ್ ಸಂಯುಕ್ತ ವಸ್ತುಗಳು (Phenolic Compound)
ನೀರಿನಲ್ಲಿ TDS ಅಂಶ ಬಹಳ ಮುಖ್ಯವಾದದ್ದು. ನೀರಿನಲ್ಲಿ ಸೇರಿರುವ ಸಾವಯವ (Organic) ಮತ್ತು ಅಜೈವಿಕ (Inorganic) ವಸ್ತುಗಳು ಅಂದರೆ, ಲೋಹ, ಉಪ್ಪಿನಂಶ, ಅಯಾನುಗಳು, ಖನಿಜಾಂಶಗಳು ಇತ್ಯಾದಿ ಅಧಿಕ TDS ಗೆ ಕಾರಣವಾಗುತ್ತದೆ. TDS ಮೌಲ್ಯ 500 mg/liter ವರೆಗೆ ಇದ್ದರೆ ಅದು ಸುರಕ್ಷಿತ. ಅದಕ್ಕಿಂತ ಹೆಚ್ಚಿದ್ದರೆ ಅದನ್ನು ಕುಡಿಯುವುದಕ್ಕೆ ಉಪಯೋಗಿಸುವುದು ಒಳ್ಳೆಯದಲ್ಲ. ಇದು 2000 mg/liter ಕ್ಕಿಂತ ಹೆಚ್ಚಿದ್ದರೆ ಆ ನೀರು ಯಾವುದೇ ಉಪಯೋಗಕ್ಕೂ ಬರುವುದಿಲ್ಲ.
TDS ಸುಲಭವಾಗಿ ನಮ್ಮ ಮನೆಯಲ್ಲಿಯೇ TDS ಮೀಟರ್ ಬಳಸಿ ಚೆಕ್ ಮಾಡಬಹುದು. TDS ಮೀಟರ್ ಚಿತ್ರ ಕೆಳಗೆ ಕೊಟ್ಟಿರುವೆ.
ನೀರಿನ ಗಡಸುತನಕ್ಕೆ ಕಾರಣ ಅದರಲ್ಲಿರುವ ಕ್ಯಾಲ್ಸಿಯಂ ಮತ್ತು ಮ್ಯಾಗ್ನಿಷಿಯಂ ಅಂಶಗಳು. ಇದರಿಂದಾಗುವ ತೊಂದರೆಗಳನ್ನು ನೀವು ನನ್ನ ಹಿಂದಿನ ಲೇಖನದಲ್ಲಿ ನೋಡಿರುತ್ತೀರಿ. ಇದರ ಮೌಲ್ಯ 200 mg/liter ಇರಬೇಕು ಮತ್ತು ಹೆಚ್ಚೆಂದರೆ 600 mg/liter ವರೆಗೆ ಇರಬಹುದು.
ಇನ್ನೊಂದು ಬಹಳ ಮುಖ್ಯವಾದ ನೀರಿನ ಅಂಶವೆಂದರೆ ಅದರ pH ಮೌಲ್ಯ. ಇದನ್ನು 0 ಇಂದ 14 ವರೆಗೆ ಅಳೆಯುತ್ತಾರೆ. pH ಮೌಲ್ಯ 0 ಇದ್ದರೆ ನೀರು ಅಸಿಡಿಕ್ ಮತ್ತು 14 ಇದ್ದರೆ ಅಲ್ಕಲೈನ್ ಅಂತ ಅರ್ಥ. ಕುಡಿಯುವ ನೀರಿನಲ್ಲಿ ಇದರ ಮೌಲ್ಯ 6.5 ಇಂದ 8.5 ಒಳಗೆ ಇರಬೇಕು. 7 ಇದ್ದರೆ ತಟಸ್ಥ ಅಂತ ಲೆಕ್ಕ.
ಇನ್ನುಳಿದ ಅಂಶಗಳನ್ನು ನೀವು ಒಂದೊಂದಾಗಿ ಮೇಲೆ ನೋಡಬಹುದು.
iii. ಸೂಕ್ಷ್ಮ ಜೈವಿಕ ಪರೀಕ್ಷೆ (Micro Biological Test or Microscopic Test):
ಈ ಪರೀಕ್ಷೆಯಲ್ಲಿ ನೀರಿನಲ್ಲಿ ಏನಾದರೂ ಸೂಕ್ಷ್ಮ ಜೀವಿಗಳಾದ ಬ್ಯಾಕ್ಟೀರಿಯಾ ಮತ್ತು ವೈರಸ್ ಇದೆಯಾ ಅಂತ ಪರೀಕ್ಷೆ ಮಾಡುತ್ತಾರೆ. ಸಾಮಾನ್ಯವಾಗಿ ಕೋಲಿಫಾರ್ಮ್ ಬ್ಯಾಕ್ಟೀರಿಯವನ್ನು ಪರಿಶೀಲನೆ ಮಾಡುತ್ತಾರೆ. ಕೋಲಿಫಾರ್ಮ್ ಬ್ಯಾಕ್ಟೀರಿಯಾ ಪರಿಸರದಲ್ಲಿ ಮತ್ತು ಎಲ್ಲಾ ಬೆಚ್ಚಗಿನ ರಕ್ತದ ಪ್ರಾಣಿಗಳು ಮತ್ತು ಮಾನವರ ಮಲದಲ್ಲಿ ಇರುವ ಜೀವಿಗಳಾಗಿವೆ.
ಕೋಲಿಫಾರ್ಮ್ ಬ್ಯಾಕ್ಟೀರಿಯಾವು ಅನಾರೋಗ್ಯಕ್ಕೆ ಕಾರಣವಾಗುವುದಿಲ್ಲ. ಆದಾಗ್ಯೂ, ಕುಡಿಯುವ ನೀರಿನಲ್ಲಿ ಅವುಗಳ ಉಪಸ್ಥಿತಿಯು ರೋಗ-ಉಂಟುಮಾಡುವ ಜೀವಿಗಳು (ರೋಗಕಾರಕಗಳು) ನೀರಿನ ವ್ಯವಸ್ಥೆಯಲ್ಲಿ ಇರಬಹುದೆಂದು ಸೂಚಿಸುತ್ತದೆ. ನೀರಿನ ಸರಬರಾಜನ್ನು ಕಲುಷಿತಗೊಳಿಸುವ ಹೆಚ್ಚಿನ ರೋಗಕಾರಕಗಳು ಮನುಷ್ಯರ ಅಥವಾ ಪ್ರಾಣಿಗಳ ಮಲದಿಂದ ಬರುತ್ತವೆ.
ಎಲ್ಲಾ ಸಂಭಾವ್ಯ ರೋಗಕಾರಕಗಳಿಗೆ ಕುಡಿಯುವ ನೀರನ್ನು ಪರೀಕ್ಷಿಸುವುದು ಸಮಯ ತೆಗೆದುಕೊಳ್ಳುತ್ತದೆ ಮತ್ತು ದುಬಾರಿಯಾಗಿದೆ. ಕೋಲಿಫಾರ್ಮ್ ಬ್ಯಾಕ್ಟೀರಿಯಾವನ್ನು ಪರೀಕ್ಷಿಸಲು ತುಲನಾತ್ಮಕವಾಗಿ ಸುಲಭ ಮತ್ತು ಅಗ್ಗವಾಗಿದೆ. ನೀರಿನ ಮಾದರಿಯಲ್ಲಿ ಕೋಲಿಫಾರ್ಮ್ ಬ್ಯಾಕ್ಟೀರಿಯಾ ಕಂಡುಬಂದರೆ, ನೀರಿನ ಮಾಲಿನ್ಯದ ಮೂಲವನ್ನು ಪರೀಕ್ಷೆ ಮಾಡಲು ಸಹಾಯ ಮಾಡುತ್ತದೆ.
ಇದರ ರಿಪೋರ್ಟ್ ಕೂಡ ನಿಮಗೆ ಪ್ರಯೋಗಾಲಯದಿಂದ ದೊರೆಯುತ್ತದೆ. ನಾನು ಕೆಳಗೆ ನಮ್ಮ ಮನೆ ಬೋರ್ವೆಲ್ ನೀರಿನ Micro Biological Test ರಿಪೋರ್ಟ್ಅನ್ನು ಹಾಕಿದ್ದೇನೆ. ಬೋರ್ವೆಲ್ ನೀರಿನಲ್ಲಿ ಕೋಲಿಫಾರ್ಮ್ ಬ್ಯಾಕ್ಟೀರಿಯಾ ಪತ್ತೆಆಗಿಲ್ಲ ಹಾಗು remarks ನಲ್ಲಿ ಈ ನೀರು ಸುರಕ್ಷಿತ ಅಂತ ಕೂಡ ಕೊಟ್ಟಿದ್ದಾರೆ.
ಇದಲ್ಲದೆ ನಿಮ್ಮ ನೀರಿನಲ್ಲಿ ಮೇಲೆ ಹೇಳಿದ ಹಾನಿಕಾರಕ ಅಂಶಗಳು ಕಂಡುಬಂದರೆ ಅದಕ್ಕೆ ಪರಿಹಾರ ಕೂಡ ಸೂಚಿಸಿದ್ದಾರೆ. ಅದನ್ನು ನೀವು ರಿಪೋರ್ಟ್ ಕೆಳಗ ಕೊಟ್ಟಿರುವ remarks ನೋಡಿದರೆ ಗೊತ್ತಾಗುತ್ತದೆ. ನನ್ನ ಬೋರ್ವೆಲ್ ನೀರಿನಲ್ಲಿ hardness, TDS ಮುಂತಾದವುಗಳು ಪರಿಮಿತಿಗಿಂತ ಹೆಚ್ಚಾಗಿರುವುದರಿಂದ ನಾನು water softerner ಹಾಗು ಕುಡಿಯುವ ನೀರಿಗಾಗಿ RO filter ಬಳಸಬೇಕಾಗುತ್ತದೆ.
ಮೇಲೆ ಕೊಟ್ಟಿರುವ ಮಾಹಿತಿ ನಿಮಗೆ ಉಪಯೋಗಕ್ಕೆ ಬರುತ್ತದೆ ಅಂತ ನಂಬಿದ್ದೇನೆ. ನಿಮಗೆ ಈ ಲೇಖನ ಇಷ್ಟವಾದರೆ ಬೇರೆಯವರಿಗೆ ಕಳುಹಿಸಿ. ಈ ಲೇಖನದದ ಬಗ್ಗೆ ಏನಾದರೂ ಸಲಹೆಗಳಿದ್ದರೆ, ನನಗೆ ಇಮೇಲ್ ಕಳುಹಿಸಿ ‘CoolHomeTechPraveen@gmail.com’
ಧನ್ಯವಾದಗಳು 🙂
ಪ್ರವೀಣ್ ಕುಮಾರ್